زابل کې د ځمکې غصب سره د مبارزې کمېټې کړنې
۱۲ مرغومې ۱۴۰۱ه.ش
۹ جُمادیَ الثّاني ۱۴۴۴ ه.ق
د زابل ولایت کرنې، اوبولګولو او مالدارۍ ریاست وایي، چې ددې ولایت د دولتي ځمکو غصب سره د مبارزې د کمېټې غړي خپلې هلې ځلې کړندي کړي دي او هره اوونۍ پر هر اړخیزو موضوعاتو غونډه کوي.
په همدې موخه د یادې کمېټې غړي د خپلو غونډو په دوام په دې غونډ کې د زابل مرکز کلات ښار کې نږدې ۱۲۰۰ کورونو موضوع وڅېړل او راتلونکې غونډې ته یې نورې اړینې چارې وسپارلې، دغه راز د شینګۍ ولسوالی د محمد نسیم نامي موضوع و څېړل شوه، په مرکز کلات کې قومندانۍ ته څېرمه د محمد داود د ځمکې موضوع و څېړل شوه او په مرکز کلات کې د ښوونې ریاست اړوند د شودیاري جومات ته څېرمه د ښوونځۍ موضوع و څېړل شوه.
د یادونې وړ ده چې د تېرو څو میاشتو په لړ کې د دولتي ځمکو د غصب د مخنیوي کمېټې په هلو ځلو په زابل کې زرګونه جریبه ځمکه راګرځول شوې ده .
په دې کمېټه کې اړوندو چارواکو وايي، هېڅ فرد يا ډله د دولتي ځمکو او جايدادونو د غصب حق نه لري او د سرغړونې په صورت کې به ورسره قانوني چلند وشي.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده چې مشري یې دکرنې ریاست کوي.
