بغلان کې د ځمکې غصب مخنیوی او د غصب شویو ځمکو بېرته راګرځولو تخنیکي پلاوی اوونیزه غونډه دائره شوه
د بغلان دکرنې، اوبولګولو او مالدارۍ ریاست د امارتي، سلطاني، مرعي او وقفي ځمکو د غصب څخه د بېرته راګرځولو تخنيکې پلاوی د بغلان ولایت د کرنې، اوبو لګولو او مالدارۍ رییس قاری محراب الدین بلال تر مشرۍ لاندې، چې تخنیکې پلاوی او ټولو غړو پکی ګډون درلوده خپله شپږمه نوبتې غونډه تر سره کړه.
د غونډې په پیل کې دتېرې غونډې پر یوشمېر موضوعاتو او د ځینو غصب شویو سیمو راټول شویو اسنادو او دوسییو باندې خبرې اترې وشوې.
باید وویل شي، چې بغلان کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
