د ننګرهار دکرنې ریاست: بهسود کې 2200 جریبه امارتي ځمکه تثبیت شوه

۱۰ مرغومې ۱۴۰۱ه‍.ش
۷ جُمادیَ الثّاني ۱۴۴۴ ه‍.ق
د ننګرهار دکرنې، اوبولګولو او مالدارۍ ریاست وایي، چې ددې ولایت په بهسود ولسوالی کې ۲۲۰۰ جریبه امارتي ځمکه تثبیت شوی دی.
د ننګرهار ولایت د امارتي، سلطاني، مرعي او وقفي ځمکو د غصب څخه د بېرته راګرځولو تخنیکي پلاوی د ننګرهار دکرنې رییس مولوی عبدالستار محمد په مشری په خپل کارې سفر کې د بهسودو ولسوالی اړوند د جمالي، عبدیانې، قاسم آباد او بهسود خاص کلیو کې نږدې2200 جریبه امارتي ځمکه تثبیت کړه. 
د ننګرهار دکرنې رییس مولوی عبدالستار محمد وویل، چې د جمالي، عبدیانې، بهسودخاص په کلیو کې او همدارنګه د قاسم آباد په ښارګوټی کې د ښاروالۍ له لوري، چې هیوادوالو ته یو شمېر رهایشي نمرې په قانونې توګه وېشل شوي دي، د غاصبینو لخوا په زیاته اندازه نمرې غصب شوي، چې د تثبیت څخه وروسته به یي د تصفي  په اړه هم تصمیم ونیول شي. 
محمد وویل چې په ننګرهار ولایت کې د امارتي، سلطانې، مرعي او وقفي ځمکو د غصب څخه د بېرته راګرځولو تخنیکې پلاوی به د دې ولایت ټولو ولسوالیو ته سفرونه وکړي او غصب شوي ځمکې به تثبیت او لست به یې د مرکزي تخنیکې کمیسون سره د وروستي تصمیم نیونې په موخه شریک کړي.