د ننګرهار کانال هډې فارم کې د مالټې ۱۰۰ جریبه بڼونه جوړېږي

۱۰ مرغومې ۱۴۰۱ه‍.ش
۷ جُمادیَ الثّاني ۱۴۴۴ ه‍.ق
د ننګرهار دکانال ریاست چارواکي وایي، چې ددې ریاست اړوند د هډې فارم د پنځم بلاک په سل جریبه ځمکه کې د مالټې ۱۰۰ جریبه بڼونه جوړېږي.
د ننګرهار دکانال ریاست چارواکي وویل: «د هډې فارم پنځم بلاک په ۱۰۰جریبه سیمه کې، چې کلونه کلونه شاړې پاتې وې، اوس پرې د یوې خصوصي شرکت له خوا د مالټې بڼونه جوړېږي.»
د یادو چارواکو په خبره په دې سل جریبه ځمکه کې اته زره د (۷۰۰۷ نوعه) مالټې ونې کرل کېږي، چې ټولیز لګښت به یې نږدې نهه میلیونه افغانیو ته ورسېږي، چې روسربه په سلګونو هېوادوالو ته دکار زمینه برابره شي.
باید وویل شي، چې د مالټو دغو بڼونو ته د اوبه خور د څاڅکو سیستم هم برابرېږي.
تر دې وړاندې هم د کانال ریاست په سیمه کې د مالټوبڼونو د جوړولو چارې پیل شوي دي، چې ورسره به د کانال ریاست په سلګونه جریبه ځمکه کې به د مالټې بڼونه جوړ شي.