د ننګرهار کوټ ولسوالی کې یوشمېر بڼوال وروزل شول
۳۰ لېندۍ ۱۴۰۱ه.ش
۲۷ جمادي اﻷول ۱۴۴۴ ه.ق
د ننګرهار دکرنې، اوبولګولو او مالدارۍ ریاست وایي، چې ددې ولایت د کوټ په ولسوالی کې یوشمېر بڼوال روزل شوي دي.
د چارواکو په خبره د ننګرهار د کرنې، اوبولګولو او مالدارۍ ریاست اړوند د کوټ ولسوالۍ د کرنیزو خدمتونو مسؤلینو له لوری د دغه ولسوالی په هیبت خېلو، شایسته خېلو، او سدوخېلو کلیو کې بڼوالانو ته د یوریا سرې سپرې استعمال، شاخه برۍ، چونه کارې او د اوبخور برخو کې عملی روزنه ورکړل شوي دي.
د مسؤلینو په وینا بڼوالان کولای شي چې د یوریا سرې سپرې استعمال په وسیله خپل بڼونه د راتلوونکې کال لپاره د ناروغیو او افاتو څخه وژغوري.
