هلمند کې یوشمېر بزګران روزل کېږي

۲۳  لېندۍ ۱۴۰۱ه‍.ش
۲۰ جمادي اﻷول ۱۴۴۴ ه‍.ق
دهلمند ولایت د کرنې، اوبولګولو او مالدارۍ ریاست په هلو ځلو، د ORCD او NCA په ګډه تخنیکي او د ملګورو ملتونو پراختیایي پروګرام « UNDP» په مالي همکارۍ ددې ولایت د ګرشک او نادعلي ولسوالیو ٧٠  تنو کرونده ګرو ته دکرنې په برخه کې روزنه ورکوي.
په دې روزنیز پروګرام کې په شنو خونو کې د موسمي نباتاتو د کرنې او روزنې په اړه بزګرو ته پوهاوی ورکول کېږي ترڅو په کم مصرف زیات او پر وخت حاصلات لاسته راوړي.
دغه زده کړې هغو بزګرو ته په لاره اچول شوي دي، چې  په دې وروستیو کې ورته پخپلو ځمکو کې شنې خونې جوړې شوي او تر څنګ یې د اړتیا وړ تخمونه او کرنیز توکي ترلاسه کړي دي.
د هلمند د کرنې اداره هلمند کې د کرنیزو محصولاتو اصلاح او پیاوړتیا په موخه د مختلفو برنامو له لارې د بزګرو لاسنیوئ کوي ترڅو هغوۍ وهڅیږي، چې د مشروع کرکېلي له لارې خپل اقتصاد پیاوړي کړي.