‎خوست کې د ځنګلونو د خوندیتوب په پار هڅې

د خوست دکرنې، اوبولګولو او مالدارۍ ریاست په دې ولایت کې د ځنګلونو او طبیعي سرچینو خوندیتوب په پار هڅې کړندي کړي دي.

‎دخوست دکرنې ریاست چارواکي وايي، چې ددغو هلو ځلو په دوام ددې ولایت د تنیو ولسوالی اړوند دادمحمد په سیمه کې د شنې قطعې چارواکو له خوا د ځنګل پرېکولو مخه نیول شوی دی.
‎د خوست دکرنې ریاست وایي: «د شنې قطعې چارواکو او دکرنې ریاست اړوند د کارمندانو لخوا د يو دقيق راپور په اساس د خوست ولايت د ټنيو ولسوالی اړوند د دادمحمد په سياحتي او (ساحه خفاطت شوی مربوط د اسمان کلي او کوچيانو کلي کي يوه اندازه شنه لرګي چي تازه وهل شوي ول د نوموړي قطعي د امر مولوي محمد شريف لخوا ونيول شول او د نور څنګل وهلو مخه ونيول شوه.»
‎د خوست دکرنې ریاست هلې ځلې کوي، چې په دې ولایت کې طبیعي سرچینې او ځنګلونه خوندي او د پرېکېدو مخه یې ونیسي.