کندز کې د امارتي ځمکو د غصب مخه ونیول شوه
۲۵ لړم ۱۴۰۱ه.ش
۲۱ ربیع‌الثاني ۱۴۴۴ ه.ق
د امیرالمومنین حفظه الله د حکم سره سم د کندز د کرنې، اوبولګولو او مالدارۍ ریاست مقام په لارښونه د امام صاحب ولسوالی د کرنې مسؤلینو په پوره هڅو د یادې ولسوالی د ګمبذو سنګلاخ سیمه د امارتي ځمکو د غصب مخه ونیول شوه.
د کندز درکې ریاست د چارواکو په وینا په یاده ولسوالی کې د غصب د مخنیوي په موخه هڅې روانې دي او دغه لړۍ به دوام مومي، او د اماراتي، سلطانې، مرعي او وقفي ځمکو د غصب څخه د بېرته راګرځولو په اړه د امیرالمومنین حفظه الله حکم به پلي کېږي، او هیچاته به اجازه ورنکړو چې اماراتي، سلطانې، مرعي او وقفي ځمکې غصب کړي.
