لغمان کې د غنمو ۲۰ ننداریزې کروندې جوړېږي
د لغمان دکرنې، اوبولګولو او مالدارۍ ریاست د ترکیې هېواد د (IHH) مؤسسې په همکارۍ ددې ولایت په ۲۰ بزګرانو د غنمو د ننداریزو کروندو جوړولو په پار د غنمو اصلاح شوي تخمونه او کیمیاوي سرې وېشلي دي.
د لغمان دکرنې رییس الحاج مولوی محمد ولي حسن وویل، چې ددې مرستې په ترڅ کې هر بزګر ته ۲۵ کیلو د غنمو اصلاح شوي تخم، ۲۵ کیلو توره او ۵۰ کیلوګرامه سپینه سره وېشل شوي دي.
ددغو توکو په وېش غونډه کې د لغمان دکرنې رییس الحاج مولوی محمد ولی محسن د (IHH) مؤسسې له چارواکو مننه وکړه، چې د لغمان ولسونو سره مرستې او همکارۍ کوي.
