پکتیکا کې د کانګو تبې د مخنیوی کمپاین پیلیږي

۳ زمری ۱۳۹۸
د پکتیکا ولایت دکرنې، اوبولګولو او مالدارۍ ریاست له خوا په دې ولایت کې د کانګو تبې «CCHF»د مخنیوی په موخه کمپاین پیلیږي.
د دې کمپاین په لړ کې به د پکتیکا ولایت مرکز شرنې په ګدون ددې ولایت د اتو ولسوالیو مشکوکې سیمې، څاروی او دڅارویو د اوسیدلو ځایونه (غوجلې) دواپاشي کیږي او ترڅنګ یې پر مالدارانو د حفظ الصحې کڅوړې هم وېشل کيږي ترڅو دیادې ناروغۍ دمخنیوي په موخه ورڅخه کار واخلي. د دې ترڅنګ د کانګو تبې د مخنیوی په موخه خلکو ته عامه پوهاوی هم ورکول کیږي.
د یاد کمپاین د پیل په موخه نن ددې ولایت پر یوشمېر سیمه ییزو وټرنرانو د یاد کمپاین اړونده توکي ووېشل شول.
کانګو تبه وېروسي ناروغي ده، چې حشرې، خځندې او یا څاروي یې انسانانو ته لېږدوي.
ددې کمپاین له پلي کولوڅخه د کرنې وزارت او همکارو نهادونو موخه د کانګو تبې پر وړاندې د څارویو او انسانانو خوندي کول دي.
د کانګو تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدي.