د ننګرهار دکانال ریاست: د زیتونو تېلو د پروسس لړۍ پیل شوی دی

۱۵ لړم ۱۴۰۱ه‍.ش
۱۱ ربیع‌الثانی ۱۴۴۴ ه‍.ق
د ننګرهار دکانال ریاست چارواکي وایي، چې د یاد ریاست اړوند د زیتونو بڼونو حاصلات راټول او د زیتونو تېلو د پروسس لړۍ یې پیل شوی دی.
د ننګرهار دکانال ریاست چارواکي وایي:«سره ددې چې د طبیعي افتونو، ګرمو بادونو، وچکالۍ او کال بورۍ له امله سږکال د زیتونو حاصلات د تېرکال په پرتله ډېرکم دی. خو د سوچه او خالص تېلو ترلاسه کولوپه موخه د زیتونو په فابریکه کې د زیتون دانو د پروسیس پروسه روانه ده.»
د زیتونو فابرېکې امر انجنیر عتیق الله نایل وايي شاوخوا لس ورځې کېږي دوي د پروسس پروسه پېل شوی دی.
د ننګرهارکانال د تاسیس سره سم په ۳۱۰۰ هکتاره ځمکه باندې زیتون باغونه جوړ شوي و، اوس په ۱۷۲۰ هکتاره ځمکه باندې زیتون پاتې دي او نوره برخه یې په تېرو کلونو کې د جګړو او بېلا بېلو ناخوالو له امله ویجاړ شوي دي. 
د یادونې وړ ده، چې د ننګرهارکانال ریاست د زیتون بڼونه د بیا ځلې احداث لپاره پلان لري او په تېر یوه کال کې يې شاوخوا ۳۶۰ جریبه ځمکه باندې تازه د زیتونو بڼونه جوړ کړي دي.