د لوګر محمدآغې ولسوالی کې د سرخ آب بند د پاکونې چارې پیل شوې
۱۲ لړم ۱۴۰۱ه.ش
۸ ربیع‌الثانی ۱۴۴۴ ه.ق
د لوګر دکرنې، اوبولګولو او مالدارۍ ریاست وایي، چې د لوګر ولایت محمدآغې ولسوالۍ په سرخ آب سیمه کې د اوبو د ستر بند د پاک کارۍ او له رسوبي خټو د دروازو پرانیستلو چارې پیل شوي دي.
په همدې تړاو جوړو شویو مراسمو کې د لوګر دکرنې، اوبولګولو او مالدارۍ رییس مولوی سید امین هاشیمي د سیندیزې حوزې رییس ملاعمراخانفُرقانیار، د محمدآغې ولسوالۍ استازي محمد ابراهیم الهام او ځینو نورو مسؤولینو برخه اخیستې وه.
د سرخ آب بند د پاکونې چارې، د کرنې ریاست له لوري د سیندیزې حوزې په همغږۍ؛ خلکوته د کار په بدل کې دغنمو وېش پروژې له لارې پرمخ وړل کېږي، چې ۹۱۲ تنوته پکې دکار کولو زمینه برابره شوې ده.
