زابل کې په اوه زره کروندګرو د غنمو اصلاح شويو تخمونو او کیمیاوي سرو د وېش لړۍ پیل شو

 د زابل دکرنې، اوبولګولو او مالدارۍ ریاست د ملګرو ملتونو د خوړو او کرنې نړیوالې ادارې (FAO ) په مالي  او د ADA مؤسسې په تخنیکي همکارۍ د زابل ولايت په اوه زره بزګرانو د غنمو  اصلاح شوو تخمونو او کیمیاوي سرو وېش لړۍ پیل کړی دی. 
ددې وېش په لړ کې به هر بزګرته ۵۰ کیلو ګرامه د غنمو اصلاح شوي تخم، ۵۰ کیلوګرامه توره  او ۵۰ کیلوګرامه سپینه سره ورکول شي. 
د یادونې وړ ده چې ددي تر څنګ به راتلوونکې کې کروندګرو ته د غنمو د کر، اوبخور، تخم او سرې استعمال، د ناروغیو او بې کاره بوټو کنترول په موخه عامه پوهاوي هم ورکړل شي.
له دغو مرستو يوشمېر برخمن شوي بزګران وايي په دې سره به د بزګزانو حاصلات ښه او په کورني اقتصاد کې به يې د پام وړ مثبت بدلون راشي.
 يو تن بزګر حاجی عبدالقیوم وایي، ورکړل شوي تخمونه د دوی لپاره بسنه نه کوي او په دې برخه کې لا ډېرې همکارۍ ته اړتیا شته ده چې باید وشي.