لوګر کې په دوه زره اړمنو کورنیو نغدې پیسې وویشل شوې

د لوګر ولایت مرکز په ګډون د محمداغې او خروار ولسوالیو په دوه زره اړمنو او بې سر پرسته کورنیو د خوړو نړیوال سازمان (WFP) په مالي ملاتړ او د بشري قواوو د پراختیا ادارې (HRDA)  په تخنیکي همکارۍ د کار په بدل کې د نغدې مرستې د شتمنیو جوړولو(Asset Creation) پروژې تر چتر لاندې ۲۰۰۰ ګټه اخیستونکو (۱۸۰۰ نارینه او ۲۰۰ ښځینه اړمنو او بې سرپرسته کورنیو) ته د لوګر ولایت په درېو واحدونو (محمد آغې، خروار او مرکز پل علم) کې میاشتنۍ نغدې مرستې چې هر نفر ته (۸۵۰۰) افغانۍ کېږي له مربوطه ادارو سره په همغږۍ ووېشل شوې. 
د یادونې وړ ده، چې نوموړی پروژه له دوو سکتورونو (دکرنې، اوبولګولو او مالداری ریاست او د کلیو د بیارغونې او پراختیا ریاست)  سره په همغږی پلي کېږي.