ننګرهار کې ۲۰۰ کروندګرو سره مرسته وشوه
۲ لړم ۱۴۰۱ه.ش
۲۸ ربیع‌الاول ۱۴۴۴ ه.ق
د ننګرهار کرنې، اوبولګولو او مالدارۍ ریاست د خوړو نړیوال پروګرام په مالي او د (SARCDO) مؤسسې په تخنیکي همکارۍ ددې ولایت د کوز کونړ ولسوالی له ۲۰۰ بزګرانو سره د غنمو اصلاح شویو تخمونو، کیمیاوي سرو او اړینوتوکو مرسته وکړه.
د ننګرهار د کرنې ریاست د چارواکو په خبره ددې مرستې په ترڅ کې دغو بزګرانو هر یو بزګرته ۵۰ کیلو د غنمو اصلاح شوي تخم، ۵۰ کیلو توره سره، ۱۰۰ کیلوګرامه سپینه سره، یو کندوچه چې د ۵۰۰ کیلو غلې د ساتلو وړتیا لري او څلور قلمه اړین توکي ورکړل شوي دي.
ددې مرستې موخه د بېوزله بزګرانو ملاتړ او په دې ولسوالی کې دغنمو حاصلاتو زیاتوالی دی.
