پکتیکا ته د کرنې وزارت د مسلکي مرستیال په مشرۍ د ګډ پلاوی سفر
۱۶ تله ۱۴۰۱ه.ش
۱۲ ربیعالاول ۱۴۴۴ ه.ق
د کرنې، اوبولګولو او مالدارۍ وزارت دکرنې او مالدارۍ مرستيال مولوي صدر اعظم په مشرۍ ګډ پلاوي پکتیکا ولایت ته د سفر په ترڅ کې، دپکتیکا له والي الحاج مولوی عبدالله مختار او یو شمېر نورو مسوولینو سره د ناستې په ترڅ کې د ځنګل وهلو مخنیوي او د ځنګلي سیمو د پخوانیو وهل شویو لرګیو لېږد په تړاو خبرې وکړې.
په دې غونډه کې، مولوي صدر اعظم وویل: «ځنګلونه ملي شتمني ده او د ساتنې لپاره یې هر اړخیزې هڅې کوو.»
ښاغلی صدراعظم وویل، چې د کرنې وزارت د هېواد د ځنګلونو د ساتنې او پراختیا په پار هلې ځلې کوي.
په همدې حال کې، دپکتیکا له والي الحاج مولوی عبدالله مختار د ځنګلونو د ساتنې او د صنعت ودې او پراختیا په اړه د څرګندونو ترڅنګ د کرنې وزارت مسلکي مرستیال ته د هر را زهمکاریو ډاډ ورکړ.
الحاج مولوي مختار وویل: «د پکتیکا ولایت د ځېنو ولسوالیو خلک د لرګیو پېر او پلور کوي، خو د کرنې، اوبولګولو او مالدارۍ وزارت د یو څه وخت لپاره د لرګیو پېر او پلور باندې بندیز وه، ترڅو پورې خلک شنې ونې ونه وهي. ځکه اکثرو خلکو به شنې ونې وهلې، چې د طبیعي ښکلا سربېره به مېوه لرونکو ونې هم له منځه وړلې، چې د طبیعت ښکلا له منځه تله او د جلغوزیو حاصلاتو په اخېستلو کې کموالې راتلل.
نوموړي راغلي پلاوي ته هم ډاډ ورکړ چې د ا.ا د پالیسۍ، پرېکړو تطبیق او د خلکو ستونزو اوارولو په موخه به په دې ولایت کې لازمې اسانتیاوې برابرې کړي.
