دننګرهار د کانال ریاست:د څلورم فارم ۷۰۰ جریبه ځمکه کرکېلې ته چمتو شوه

۵تله ۱۴۰۱ه‍.ش
۳۰صَفَرالمظفّر ۱۴۴۴ ه‍.ق
 د ننګرهار دکانال ریاست چارواکي وايي، چې د یاد ریاست اړوند د څلورم فارم ۷۰۰ جریبه ځمکه د څلورولسیزو وروسته کرکیلې ته چمتو شوی دی.
د ننګرهارکانال ریاست د څلورم فارم امر انجنیر عبدالپاچا وايي، سږ کال په دغه فارم کې ۷۰۰ جریبه هغه ځمکه چې په تېرو ۴ لسیزو کې ترې د بېلابېلو دلیلونو او ناخوالو له امله ګټه نه وه اخیستل شوی او په دښتې بدله شوی وه ابیارۍ سیستم يې خراب شوی وه، اوس پرې د خصوصي سکټور له لورې د مالټې بڼونه جوړېږي او چارې يې روانې دي.
څلورم فارم په ۱۳۴۴ هـ ل کال کې د ننګرهار ناوې پراختیا پروژې (ننګرهار وادي کرنیز ریاست) په هډانه کې، تأسیس شوی. 
د دې فارم ځمکه د اګرونومیکي ځانګړنې او اقلیمي شرایطو له مخې په کال کې کابو د درېو فصلونو د کښت وړتیا لري، چې زیتون او ستروسو سربېره، غنم، شولې، جوار، خټکي، هندواڼي، حبوبات او نورو صنعتي نباتاتو کر کېلې ته مساعده ده.
د څلورم فارم ټول مساحت یې (۱۵۱۷) هکټاره یا ۷۵۸۵ جریبه دې. له دغه فارم څخه به سږ پراخه غله جات، زیتون او ستروسو حاصلات راټول شي .