د ننګرهار دکانال ریاست: د کانال په ځمکو کې دکښت له درکه کرنیزو شرکتونو او کروندګرو ښه عواید ترلاسه کړي دي
د ننګرهار دکانال ریاست چارواکي وایي، چې د کانال په ځمکو د غنمو او هندواڼو د کښت له درکه څه د پاڅه ۳۰۰ میلونه افغانۍ عواید ترلاسه شوي.
د دوی په خبره، د کانال په ځمکو د کرل شوو غنمو او هندواڼو له درکه څه د پاڅه ۳۰۰میلونه افغانۍ عواید راټول شوي او مستقیماً يې ګټه کرنیزوشرکتونو او کروندګرو ته رسېدلې دي.
د چارواکو په خبره، د ننګرهارکانال ریاست په ۲۱۵۳۸ جریبه ځمکه غنم کرل شوې وه، چې د معلوماتو له مخې ۹۶۱۴۵۵ منه غنم ترې ترلاسه شوي دي، چې ۲۹۸ میلیونه او ۵۰۰ زره افغانۍ یې ټولیز ارزښت اټکل شوی دی. په ورته مهال د کانال په درې زره جریبه ځمکې هندواڼې کرل شوې وه او ۱۵ زره ټنه حاصل يې ورکړي، چې ددې برخې څخه هم کروندګرو ته میلیونونه افغانۍ عواید راټول شوي دي .
