پکتيا کې یوشمېر بڼوال روزل کېږي
۱۷ وږی ۱۴۰۱ه.ش
۱۱صَفَرالمظفّر ۱۴۴۴ ه.ق
د پکتیا ولایت د کرنې، اوبولګولو او مالدارۍ ریاست اړوند د سولې ریښې پروژې لخوا د سیدکرم، ځاځي اریوب، احمدابا، زرمت او مرکز ګردیز ۶۰ تنو مخکښو بزګرانو او ترویج مدیرانو ته د مڼو حاصلاتو پخېدو، راټولولو، سمبالښت او په ژمي کې د افاتو د هر اړخیزه مخنیوي دوه ورځنۍ روزنیز کورس پیل شو.
د ورکشاپ د پیل په مراسمو کې دپکتيا د کرنې، اوبولګولو او مالدارۍ رئیس الحاج مولوي عبدالرؤف سعید ګډونوالو ته د ښه راغلاست ترڅنګ وویل، چې د دې ورکشاپ موضوعات مهم او زموږ د بڼوالو لپاره ډېر ګټور دي او له برخوالو یې وغوښتل چې د دې ورکشاپ موضوعات په دقت سره زده او په عملي برخه کې ورڅخه پوره ګټه واخلي.
د یادونې وړ ده، چې د یاد کورس ګډونوال به ۳۰ تنه نن او ۳۰ تنه سبا ورځ نظري او عملي زده کړه ترلاسه کړي.
