ننګرهار:د غنمو اصلاح شویو تخمونو د وېش لپاره سروې ترسره شوه
۱۲ وږی ۱۴۰۱ه.ش
۶ صَفَرالمظفّر ۱۴۴۴ ه.ق
د ننګرهار د کرنې، اوبولګولو او مالدارۍ ریاست سره په همغږۍ د خوړو او کرنې نړیوالې ادارې (FAO) په مالي لګښت او د اکشن آیډ مؤسسې په تخنیکې همکارۍ د غنمو د کر راتلوونکې فصل لپاره د غنمو اصلاح شویو تخمونو د وېش په موخه د دې ولایت د حصارک، لعلپوره او ګوشتې په ولسوالیو کې سروې ترسره کړه، چې په هره ولسوالۍ کې ۱۰۰۰ تنه بزګران سروي شوي دي.
د یادونې وړ ده چې پاتي اوه ولسوالیو اچین، دره نور، ده بالا، شینوار، شېرزاد، پچیراګام او مومندرې کې هم د غنمو اصلاح شویو تخمونو د وېش لپاره بزګران سروې او مستحق کروندګر به په ګوته شي.
د غنمو اصلاح شوي تخمونه په دې ولایت کې د اصلاح شویو تخمونو د ترویج، د بزګرانوملاتړ او په ټوله کې د غنمو د حاصلاتو لوړلو په پار پر بزګرانو وېشل کېږي.
