د بغلان دکرنې رياست: دکرنې په برخه کې دوه مهمې پروژې پلي کېږي
۲۳ زمری ۱۴۰۱ه.ش
۱۶ محرم الحرام ۱۴۴۴ ه.ق
د بغلان دکرنې، اوبولګولو او مالدارۍ رياست وايي چې د ASIO مؤسسې په همکارۍ ددې ولايت په دوو ولسواليو کې دکرنې په برخه کې دوه مهمې پروژې پلي کېږي.
د بغلان دکرنې، اوبولګولو او مالدارۍ رييس قاري محراب الدین بلال وويل، دغه پروژې چې لګښت يې ۷۷۰زره او ۳۸۱ امريکايي ډالرو ته رسېږي د معشيت دپرمختګ تر عنوان لاندې د بغلان ولايت د مرکزي بغلان او خوست فرنګ ولسواليو کې پلي کېږي.
د چارواکو په خبره د دغو پروژو په پلي کولو سره په يادو ولسواليو کې سلګونو کسانوته د کار زمينه برابرېږي.
د بغلان دکرنې، اوبولګولو او مالدارۍ رياست هلې ځلې کوی، چې په دې ولايت کې د همکارو مؤسسو په مرسته دکرنې او مالدارۍ په برخه کې ګڼې پروژې پلي کړي، چې له يوې خوا بزګرانو او مالدارانو ته اسانتياوې رامنځته او ترڅنګ يې خلکو ته د کار زمينه برابره شي.
