ننګرهار کې له ۱۵۰ مالدارانو سره د څارويو د خوراکي توکو او درملو مرسته وشوه
۹ زمری ۱۴۰۱ه.ش
۲ محرم الحرام ۱۴۴۴ ه.ق
د ننګرهار د کرنې، اوبولګولو او مالدارۍ ریاست سره په همغږۍ د افغانستان لپاره د سویډن کمیټې د آبادۍ پروژې له لوري د دې ولایت د سپین غر په ولسوالی کې له ۱۵۰ مالدارانو سره د څارويو د خوراکي توکو او درملو مرسته وشوه.
ددې مرستې په لړ کې هر مالدار ته څلور بوجۍ بوس، دوه بوجۍ کنجاړه، بور او د چينجيو ضد درمل ورکړل شول.
ددې مرستې موخه د مالدارۍ پراختيا او د بېوزله مالدارانو ملاتړ دی.
