د کار په مقابل کې د غنمو د ورکړې لومړی پړاوو پیل شو
۳ لیندۍ ۱۴۰۰ هـ.ش
۱۸ ربیع الثانی ۱۴۴۳ هـ.ق
د کرنې، اوبولګولو او مالدارۍ وزارت، مالي او اداري مرستیال فضل الباري فضلي د کار په مقابل کې د غنمو ورکړې مراسموپرانیستنه وکړه
د کرنې، اوبولګولو او مالدارۍ وزارت، مالي او اداري مرستیال فضل الباري فضلی وویل، ډیر د خوښۍ ځای ده، چې د ا.ا.ا مشرانو د کار په مقابل کې خلکو ته د غنمو د ورکړې پروګرام پیل کړی او نن یې عملآ پرانیستنه کیږي ښاغلی فضلي زیاته کړه چې «ا.ا.ا تل هڅه کوي، چې په هېواد کې بیکاري او بیوزلي له منځه یوسې او موږ ژمن یو چې په پوره اخلاص او رښتینولي سره خپلو خلکو ته دخود کفایې زمینه برابره کړو»
مالی او اداري مرستیال فضل الباري فضلي په وینا، کابل ولایت کې د پنځوادارو کرنې، کلیو او پراخیتا، ښاروالی، د ملی پراختیا شرکت اوبو او انرژې وزارت له لورې خلکو ته د کار په مقابل کې غنم ورکول کيږي او د ټول کابل په کچه ۵۰ زره کسانو ته کاري بوختیاوي پیداشوي، چې مقابل کې ۱۱نیم زره ټنه غنم ورکول کیږي او نن یې تاسو عملآ وینې چې په یاده پروسه کې د اوبو او نرژې وزارت اړوند کسانو ته ۷۰۰ ټنو غنمو ورکړه پیل شوه.
د اوبو او انرژۍ وزارت، د کابل منځنۍ سیتدیزې حوزې رییس ولی محمد تایب وویل، دا غنم د چکدمونو جوړولو، کانالونو پاکولو او او ابریزو د کیندولو په مقابل د کابل ښاراو ولسوالیو اوسیدونکو ته ورکول کیږي. ښاغلی تایب د کرنې وزارت د چارواکو دا پروسه ستایې او یې ویل چې هرکس ته د ۵ ساعتونو کار په مقابل کې ۱۰ کیلوګرامه غنم ورکول کیږي.
