د غنمو اګرانومیکي او کورنیو باغچو د کرنیزو عملیو دوه ورځنۍ روزنيز پروګرام پيل شو

۲۰تله ۱۴۰۰
د ننګرهار د کرنې، اوبولګولو اومالدارۍ ریاست سره په همغږۍ د ملګرو ملتونو د خوړو او کرنې ادارې (FAO ) له لورې د ننګرهار ګوشتي، خوګیانو او د کونړ  سرکاڼو اوخاص کونړ ولسواليو د کرنیزو خدمتونو مدیرانو او د FGA شپږو تنو کارکوونکو ته د غنمو اګرانومېکي او کورنيو باغچو په  ځمکه کې د ښو کرنیزو عملیو اجراکولو، د ښه تخم ټاکلو،  د سرې استعمال،  هرزه بوټو،  د ناروغيو او افاتو په تړاو دوه ورځنۍ روزنيز پروګرام پيل شو.
د ننګرهار د کرنې، مالدارۍ،  عشر او زکات رئیس مولوي عبدالستار محمد ګډونوالو ته د ښه راغلاست ترڅنګ وویل، ددې  روزنیز پروګرام اړوند زده کړې بزګرانو ته په سمه توګه رسول ستاسې اسلامي او ملي وجیبه ده.
محمد داسې پروګرامونه دبزګرانو روزنه کې مؤثر او ګټورې وبللې او نورو ولسواليو ته دیاد  پروګرام پر غځولو ټینګار وکړ.
په ورته وخت کې د دوهم ملي لومړیتوب څخه د ملاتړ برنامې له لورې د ننګرهار په لسو ولسواليو کې ۳۰۰ تنو بزګرانو ته د کورنیو باغچو د کرلو په موخه د ژمنیو سبو تخمونه او کرنیز وسایل د درملو شیندلو پمپونه، پنجې کش، رمبې، دستکش، پلاستیکي پچې او بېلچي د خپل کور لپاره د تازه او صحي سبو برابرولو په موخه  ورکړل شول.