نورستان کې په درې زره او ۶۴۰ مالدارانو د څارویو خوراکي توکي ووېشل شوې
۱۲ چنګاښ ۱۴۰۰
وچکالۍ ځپلو مالدارانو سره د څارويو د خوراکي توکو د مرستې په دوام، داځل د نورستان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO) په همکارۍ ددې ولایت پر درې زره او ۶۴۰ وچکالۍ ځپلو مالدارانو د څارویو خوراکي توکي وېشلي دي.
د ياد مرستې په ترڅ کې ددې ولايت درې زره او ۶۴۰مالدارانو هر مالدار ته ۱۰۰ کيلو ګرامه د څارويو متراکم باکيفيته خوراکي توکي ورکړل شوي دي، چې موخه يې د وچکالۍ ځپلو مالدارانو د څارويو خوندي کول، د مالدارانو ملاتړ او د مالدارۍ پراختيا او ودې ته زمينه برابرول دي.
بايد وويل شي،چې دکرنې وزارت د همکارو بنسټونو په مرسته د يوې طرحې پر اساس په ټول هېواد کې پر وچکالۍ ځپلو مالدارانو د څارويو د خوراکي توکو د وېش لړۍ پيل کړی دی، چې تر دې دمه زرګونه مالداران ترې برخمن شوي دي.
