کابل کې په ۷۸ جریبه ځمکه د نیالګیو د تولید قوریې جوړېږي
۹ غوایي ۱۴۰۰
د کرنې، اوبولګولو او مالدارۍ وزارت د ۱۴۰۰م کال د پلان له مخې دکابل د ځینو سیمو په ۷۸ جریبه ځمکه کې به د غیر مثمرو نیالګیو د تولید قوریې جوړ شي.
د یاد ۷۸ جریبه قوریو د تخنیکي لارو چارو تر بشپړېدو وروسته به یې نیالګي د کرنې وزارت د طبیعي سرچینو لوی ریاست له خوا د همکارو ادارو په مرسته به دکابل د زرغون کمربند پروژې په ځانګړي شویو سیمو کې کېښودل شي.
د نیالګیو په تولید سره به د کابل د زرغون کمربند لمن پراخه او ددې سیمې د زرغونتیا او سمسورتیا لامل او ورسره به د چاپېریال او هوا د ککړتیا کچه ټیټه شي.
