د هلمند د بينډيو حاصلات بازار ته وړاندې شول

۲۲ غویی ۱۳۹۹
دهلمند ولایت په مرکز لښکرګاه او اړونده ولسوالیو کې بزګرو پخپلو ځمکو کې د دودیزې کرنې پر ځای عصري کرکېلې ته مخه کړې ده، چې د بینډیو او نورو سبو حاصلات یې تازه بازار ته وړاندې شول.  
هلمندي بزګران په خپلو بینډۍ، رومي بانجان، توربانجان او نور ډول ډول سابه کرلي، چې د هلمند په ګډون نورو ولایتونو ته هم صادریږي.
د هلمند د کرنې ریاست چارواکي وایي، چې ددې ولایت په مرکز لشکرګاه، ناوې، نهرسراج، نادعلي او ګرمسیر ولسوالیو کې په پراخه کچه سابه کرل شوي، چې په دې سره به هېوادوال معیاري سبو ته لاس رسی پیدا کړي او د بزګرو اقتصادي وضعیت په ورسره ښه شي.
د هلمند د کرنې ریاست فني او مسلکي کارکوونکي  بزګرانو او ځمکوالو سره په بېلابېلو برخو کې له نږدې همکاري کوي ترڅو په کرنیزو پیداوارو کې زیاتوالی راشي او په ښه کیفیت سره تولیدات بازار ته وړاندې شي.