پکتیا کې یوشمېر بڼوال د ونو څانګه پرېکول زده کړل

۱۲ کب ۱۳۹۸
د پکتیا د کرنې، اوبولګولو او مالدارۍ ریاست ددې ولایت یوشمېر بڼوالو ته د ونو څانګې پرېکولو لارې چارې په عملي بڼه ور ښودلي دي.
ددې ترڅنګ په دې روزنیز پروګرام کې بڼوالو ته د ونو څانګې پرېکولو ګټې هو ښودل شوي دي.
د بڼوالۍ د کارپوهانو په خبره د ونې ښاخونو پرېکول د مېوې د کیفیت ښه کولو او د زیانمن شوو څانګو د ترمیم لپاره تر سره کیږي. شاخه بري د مېوې د ودې او تولید لپاره له اساسي برخو څخه شمېرل کیږي.
باید وویل شي، چې په متوازن ډول د ونې وده او ساتنه او د ونې د شکل د اندازې تنظیمول، د ونې ځوانول، د نوې مېوه لرونکو خاښونو د ودې تحریکول، د لمر وړانکې او هوا ته اجازه ورکول، سالمې مېوې تولید ته په منظمه توګه د نبات هڅول، د ناروغو، اغېزمنو او د هغو ښاخونو له منځه وړل، چې په نامناسب ځای کې را شنه شوي دي، د ونو د څانکې پرېکولو ګټې دي.