کونړ کې د طبیعي سرچینو او ځنګلونو اړوند پراختیايي پروژې تر څارنې لاندې نیول کېږي

mail-admin
دوشنبه ۱۴۰۵/۷/۱۳ - ۱۴:۱۲
کونړ کې د طبیعي سرچینو او ځنګلونو اړوند پراختیايي پروژې تر څارنې لاندې نیول کېږي

۱۳ تله ۱۴۰۵ هـ.ش
۲۲ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت د طبیعي سرچینو اړوند پراختیايي پروژو د فعالیتونو د ارزونې، د چارو د ښه والي او د ځنګلونو او طبیعي سرچینو د اغېزمن مدیریت په موخه یو مسلکي پلاوی کونړ ولایت ته تللی دی.
په دغه پلاوي کې د ځنګلونو د سروې عمومي مدیر محمد همایون جمال، د نیالګیو روزنې عمومي مدیر ویس نیازي، اجرائیه مدیر نوید مؤمن‌زاده او د فارمونو چارو د انسجام مدیر سهراب قاسمي شامل دي.
پلاوي د خپل کاري سفر پر مهال د کونړ ولایت د کرنې، اوبو لګولو او مالدارۍ ریاست له رهبرۍ او اړوندو تخنیکي او مسلکي کارکوونکو سره لیدنه او ناسته ترسره کړه. په دې ناسته کې د کونړ د کرنې، اوبو لګولو او مالدارۍ ریاست رییس مولوي محمد سرور صادق، تخنیکي مشاور سید حفیظ‌الله سیدی، د ځنګلونو د تنظیم عمومي مدیر روح‌الله هجران، د پلان عمومي مدیر موسی نورزی او یو شمېر نورو تخنیکي او مسلکي کارکوونکو ګډون کړی و.
په ناسته کې د طبیعي سرچینو آمریت تر چتر لاندې د روان او تېر کال د پراختیايي پروژو د فعالیتونو د څارنې او ارزونې په اړه بحث او د نظرونو تبادله وشوه. همداراز، د طبیعي سرچینو او ځنګلونو په برخه کې د ترسره شویو فعالیتونو د اغېزمنتیا، د پروژو د چارو د لا ښه تنظیم او د راتلونکو فعالیتونو د پیاوړتیا پر اړتیا خبرې وشوې.
د کونړ د کرنې، اوبو لګولو او مالدارۍ ریاست رئیس مولوي محمد سرور صادق د وزارت له پلاوي څخه د سفر او د طبیعي سرچینو د چارو د ارزونې په موخه د ترسره کېدونکو فعالیتونو له امله مننه وکړه او د سفر د موخو د تحقق، د طبیعي سرچینو د ساتنې او اړوندو چارو د لا ښه پرمخ وړلو په برخه کې یې د ریاست هر اړخیزه همکاري څرګنده کړه.
په پای کې، دواړو لورو د طبیعي سرچینو اړوند پروګرامونو د اغېزمن تطبیق، د فعالیتونو د لا ښه څارنې او ارزونې، د چارو د لا زیاتې همغږۍ او د اداري چارو د روڼتیا د تأمین په موخه پر دوامدارې همکارۍ او ګډې همغږۍ ټینګار وکړ.
کونړ د هېواد له هغو ولایتونو څخه دی چې د طبیعي سرچینو او ځنګلونو له پلوه ځانګړی اهمیت لري. د ځنګلونو او طبیعي سرچینو ساتنه، احیا او معیاري مدیریت د چاپېریال ساتنې، د طبیعي ایکوسیستم د توازن او د سیمه‌ییزو ټولنو د اقتصادي او معیشتي اړتیاوو د ملاتړ لپاره مهم بلل کېږي.
د کرنې، اوبو لګولو او مالدارۍ وزارت اړوند مسلکي ټیم به د کونړ ولایت د کرنې ریاست د مسلکي کارکوونکو په ملتیا د دغه ولایت په بېلابېلو ولسوالیو کې د طبیعي سرچینو په برخه کې د پلي شویو پروژو له فعالیتونو څخه لیدنه او څارنه ترسره کړي، څو د پروژو د تطبیق بهیر وارزول شي او د طبیعي سرچینو د ساتنې او مدیریت په برخه کې د چارو د لا ښه والي لپاره لازمې سپارښتنې وړاندې شي.

تازه ترین اخبار

شنبه ۱۴۰۵/۸/۳۰ - ۱۶:۲۲
Background image

بررسی روند توزیع تخم اصلاح‌شده پنبه اوزبیکستان برای دهاقین ولایت جوزجان

۳۰ عقرب ۱۴۰۵ هـ.ش
مولوی مصباح‌الدین مستعین رئیس توسعه غله‌جات، نباتات تیلی و صنعتی وزارت زراعت، آبیاری و مالداری، در سفر کاری به ولایت جوزجان با مولوی جان‌مراد وقار رئیس زراعت، آبیاری و. . .

شنبه ۱۴۰۵/۸/۳۰ - ۱۶:۲۰
Background image

توزیع تخم اصلاح‌شده گندم برای ۲ هزار دهقان در ولایت غور

۳۰ عقرب ۱۴۰۵ هـ.ش
ریاست زراعت، آبیاری و مالداری ولایت غور با همکاری دفتر مؤسسه سی اچ ای  در فیروزکوه، برای ۲ هزار تن از دهاقین واجد شرایط در مرکز این ولایت، تخم اصلاح‌شده گندم را پس از. . .

شنبه ۱۴۰۵/۸/۳۰ - ۱۶:۲۰
Background image

توزیع وسایل پروسس لبنیات برای ۷۴ زن مالدار در ولایت سمنگان آغاز شد

۳۰ عقرب ۱۴۰۵ هـ.ش
روند توزیع ۳۴ قلم وسایل و تجهیزات پروسس لبنیات برای ۷۴ تن از زنان مالدار در ۲۱ قریه ولسوالی خرم و سارباغ ولایت سمنگان، از سوی دفتر افغان‌اید در همکاری ریاست زراعت،. . .

BACK TO NEWS