پکتیکا ولایت کې د لرګیو د قاچاق مخه ونیول شوه

۱۶ غویی ۱۴۰۵ه‍.ش
۱۹ ذُو ٱلْقَعْدَةِ ۱۴۴۷ه‍.ق
 د پکتیکا ولایت د کرنې، اوبو لګولو او مالدارۍ ریاست اړوند د ځنګلاتو د ساتنې مسؤلینو له لوري د لرګیو د ناقانونه قاچاق مخه ونیول شوه، چې غوښتل یې یاد لرګي د غزني ولایت ته انتقال کړي.
د معلوماتو له مخې، یو عراده سوپر موټر چې له برمل ولسوالی څخه بار شوی و، د سروضي ولسوالی په مربوطاتو کې د ځنګلاتو د ساتنې قطعي په چک‌پواینټ کې د مسؤلینو له خوا ونیول شو. همدارنګه، بل عراده سوپر موټر چې له اوړممۍ ولسوالی څخه بار شوی و، د ولایت په مرکز کې ونیول شو.
د پکتیکا ولایت د کرنې ریاست مسؤلین ټینګار کوي، چې د طبیعي منابعو، په ځانګړي ډول د ځنګلاتو ساتنه د دوی له لومړیتوبونو څخه ده، او هېچا ته به اجازه ورنه کړل شي چې په ناقانونه توګه د عامه شتمنیو قاچاق ترسره کړي.