لوګر کې لسګونه قلمه بېکیفیته او تاریختېر حیواني درمل وسوځول شول
۱۳ کب ۱۴۰۴ه.ش
۱۵ رَمَضانُ المُبارَک ۱۴۴۷ه.ق
د لوګر ولایت د کرنې، اوبولګولو او مالدارۍ ریاست د مالدارۍ آمریت مسلکي کارکوونکو د دې ولایت له مرکز پل علم او ولسوالیو څخه د درملتونونو د کنټرول او څارنې په پایله کې ۱۳۲ قلمه بی کیفیته او تاریخ تیر حیواني درمل راټول او دمسؤلینو په شتون کې وسوځول.
د لوګر ولایت د کرنې رییس مولوی شیرآقا پیرحبیب الرحمن په دې اړه وویل، چې له درمل پلورونکو څخه غوښتل کېږي باکیفیته درمل تولید یا وارد کړي او همدارنګه مالداران دې د درمل او واکسین د پېرلو پر مهال د هغې نېټې او کیفیت ته جدي پاملرنه وکړي.
همدارنګه د لوګرد کرنې ریاست دمالدارۍ څانګې آمر ډاکټر ثناءالرحمن ثنايي څرګنده کړه، چې یاد درمل د لوګر له بېلابېلو ولسوالیو او ناحیو څخه تر پراخ کنټرول وروسته راټول او د بیا کارونې د مخنیوي په موخه وسوځول او زیاته یې کړه، چې د تاریختېرو درملو کارول پر حیواناتو جدي منفي اغېزې لري او آن کولای شي د هغوی د تلف کېدو لامل شي.
باید وویل شی چی دغه اقدام د څارویو د روغتیا ساتنې او د زیانمنو درملو د پلو د مخنیوی لپاره تر سره شوی دی.
