د ننګرهار بهسودو ولسوالی کې د بڼونو خوندیتوب په پار د ژمني تېلو استعمال چارې پیل شوې
۱۵ مرغومې ۱۴۰۴ه.ش
۱۵ رَجَب المُرَجَّب ۱۴۴۷ه.ق
د ننګرهار د کرنې، اوبو لګولو او مالدارۍ ریاست د بهسودو ولسوالی ترویج مدیریت کارکوونکو له لورې د بهسودو ولسوالی بېلې او بېنګاه کلیو څخه په بڼونو کې د ژمني تېلو استعمال چارې پیل شوي. د بهسودو ولسوالی د ترویج مسؤلینو په وینا دوی هڅه کوي د بڼونو ساتني او ناروغیو مخنیوي په موخه د ژمني تېلو استعمال چارې د بهسودو ولسوالی په ټولو بڼونو کې تطبیق کړي، ترڅو په راتلوونکي کې بڼونه د ناروغیو د عاملینو د خطر څخه خوندې وساتل شي. دغه راز بڼوالو ته د ژمني تېلو استعمال، جوړولو، ارزښت او نورو برخو کې لازمې سپارښتنې هم وشوې.
همهاله بڼوالو ته په بڼونو کې د ښاخ برۍ، اوبو لګولو، هرزه وښو کنټرول، چونه کارۍ او نرم کارۍ په برخه کې روزنه هم ورکول کېږي.
