دهلمند موسی قلعه ولسوالی کې پر سلګونو بزګرانو اصلاح شوي تخمونه وېشل کېږي 

۳ لیندۍ ۱۴۰۴ هـ.ش
۳ جُمَادَى الثانی ۱۴۴۷ هـ.ق
دهلمند ولایت د کرنې، اوبولګولو او مالدارۍ ریاست په هڅو، د موسی قلعه ولسوالی د کرنیزو خدمتونو مدیریت او ګډې کمیټې لخوا په یاده ولسوالی کې د افغانستان د راتلونکو نسلونو مؤسسې له لوري د ۱۰۰۰ تنو بزګرانو د مرستې د وېش سروې پای ته رسېدلې ده.
یاده سروې د ګډ تخنیکي پلاوی له‌ لوري ترسره شوه، چې د موسی قلعه ولسوالی مسؤلین، د امنیې قوماندانۍ استازي، استخباراتو مدیریت او ترویج مدیریت کارکوونکي پکې شامل وو.
د سروې په جریان کې بزګرانو ته سپارښتنه وشوه، چې د اصلاح شوو تخمونو په تکثیر او ترویج کې لا ډېره ونډه واخلي، څو په سیمه کې د معیاري تخمونو لاسرسی اسانه شي.
سروې د موسی قلعه په ۸ کلیو کې ترسره شوې؛ چې پکې تخته پول، شباروز، توغي، کاڼي مانده، چپه ژرنده، اسمانیان، کڅ سردار او کڅ شربت شامل دي. 
د یادونې وړ ده، چې د هلمند د کرنې ریاست مسئولینو په هڅو تر دې وړاندې هم په موسی قلعه کې د یو شمېر نورو مرستندویه مؤسسو له لوري بزګرانو ته اړینې مرستې رسېدلې دي.