د کندهار دکرنې رییس د ښاروالۍ له چارواکو سره د کابل هډې نږدې سیمې د لېږد په تړاو ناسته وکړه
۲۱ زمری ۱۴۰۴ هـ.ش
۱۸ صَفَر المُظَفَّر ۱۴۴۷ هـ.ق
د ا.ا.ا د زعیم، عالیقدر امیرالمؤمنین حفظه الله تعالی د حکم په اساس، د کندهار د کرنې، اوبو لګولو او مالدارۍ رییس مولوي عبدالرشید منیب د ښاروالۍ له چارواکو سره د عینومینې ښارګوټي اړوند د کابل هډې ته څېرمه سیمې د لېږد په موخه ناسته وکړه.
د ناستې موخه د عالیقدر امیرالمؤمنین حفظه الله تعالی د حکم په ښه توګه پلي کول او د یادې ځمکې د انتقال پروسه په شفاف او قانوني ډول مخته وړل وو. په دې تړاو د دواړو لورو ترمنځ هر اړخیز بحث او د نظرونو تبادله وشوه، تر څو دغه سیمه د حکم له مخې د دفاع وزارت څخه کندهار ښاروالۍ ته انتقال شي.
د دې انتقال موخه دا ده، چې ښاروالۍ وکولای شي له یاده ځمکې څخه د ښاري پراختیا او عامه خدماتو د برابرولو په برخه کې ګټه واخلي.
