لغمان کې لسګونو کسانو ته د کار زمینه برابرېږي
۷ غویی ۱۴۰۴ ه.ش
۲۹ شَوّالُ المُکَرَّم ۱۴۴۶ه.ق
د لغمان دکرنې، اوبولګولو او مالدارۍ رییس مولوی عبدالستار محمد د افغانستان د نابینایانو د سمون «اې،بي،ام» مؤسسې ولایتي مسوول خالد سباوون سره په کتنه کې د قرغیو ولسوالی د ګل غونډۍ ځنګل د ساتنې او پالنې پر پروژې خبرې اترې وکړې.
د لغمان دکرنې، اوبولګولو او مالدارۍ رییس مولوی عبدالستار محمد وویل، چې د خوړو نړۍوال پروګرام په مالي او د افغانستان د نابینایانو د سمون «اې،بي،ام» مؤسسې په تخنیکي همکارۍ ددې ولایت د قرغیو ولسوالی د ګل غونډۍ ځنګل د ساتنې او پالنې په پار پروژه پلي کوي، چې په ترڅ کې یې لسګونو کسانو ته د کار زمینه برابرېږي.
ددې کتنې په ترڅ کې د افغانستان د نابینایانو د سمون «اې،بي،ام» مؤسسې ولایتي مسوول خالد سباوون وویل، چې د ګل غونډۍ سیمې د بیرې مصنوعي ځنګل د ساتنې او پالنې پروژې لپاره یوشمېر ګاریګر نیسي، څو د بیرې بوټو اوبولګولو، سره ورکولو، ساتنې او ګڼو نورو برخو کې به په دغه پروژه کې کار کوي او دکار په بدل کې به نغدې پیسې کاریګرو ته ورکوي.
په ورته مهال، د لغمان دکرنې رییس مولوي عبدالستار محمد د یادې مؤسسې مسؤل څخه مننه وکړه، چې د کرنې ریاست غوښتنه یې پرځای کړه او د یو مهم او ارزښت لرونکي ځنګل د ساتنې او ابیاري لپاره ګاریګر ګماري، ښاغلي محمد دمؤسسې مسؤلینو ته د پروژې دتطبیق په برخه کې د پوره همکاري ډاډ ورکړ.
