د کابل ولایت د کرنې، اوبو لګولو او مالدارۍ ریاست د غونډو په تالار کې د کرنې او کلیوالي پراختیا ریاست سکتوري غونډه جوړه شوه
د کرنې او کلیوالي پراختیا ریاست سکتور میاشتنۍ غونډه د روان کال د وري په ٢٥ مه، د دوشنبې په ورځ د کابل ولایت د کرنې، اوبو لګولو او مالدارۍ ریاست په تالار کې د امارتي ادارو استازو، د موسساتو استازو او ولسوالیو د کرنیزو چارو مدیرانو په ګډون دائره شوه.
د غونډې په پیل کې د کابل ولایت د کرنې، اوبو لګولو او مالدارۍ رییس شیخ حافظ عبیدالله "حقاني" ګډونوالو ته ښه راغلاست ووایه او د موسساتو همکاري، په ځانګړې توګه په افغانستان کې د ملګرو ملتونو د سیاسي استازولۍ(یوناما) دفتر د همکارۍ په اړه یې خبري وکړې، او د دوی د هر اړخیزې همکارۍ څخه یې مننه وکړه.
ورپسې د کابل د ولایت استازي د موسساتو د دندو او فعالیتونو په اړه خبرې وکړې. دغه راز د غونډې په ترڅ کې ګډونوالو په خپل وار سره خپلې ستونزې او وړاندیزونه غونډه ته وړاندې کړل.
د یادوني وړ ده، چې د کرنې سکتوري غونډه په میاشت کي یو ځل د اداراتو او اړونده مؤسسو د لا ښې همغږۍ رامنځته کولو په موخه ترسره کېږي.
