خوست کې د ځنګلونو د بیارغونې او پراختیا په موخه د چهارمغزو نیالګيو د وېش لړۍ پیل شوه

 ۳۰ کب ۱۴۰۳ه‍.ش
۲۰ رَمَضانُ المُبارَک ۱۴۴۶ه‍.ق
د خوست ولایت دکرنې، اوبولګولو او مالدارۍ ریاست له لورې ددې ولایت ټڼیو ولسوالی ته ۹۰۰۰ د چهار مغزو نیالګي را انتقال او د ځنګلاتي ټولنو د غړو څخه د نیالګیو نیال کولوساتنې، پالنې او اوبو ورکولو په موخه ترې تعهد لیکونه واخیستل شول او نیالګي ورته عملآ ووېشل شول.
د کرنې، اوبولګولو او مالدارۍ وزارت او د خوست د کرنې ریاست پلاوی د ځنګلونو د بیا رغونې په برخه د ددې ولسوالی د ټولنو اړوند سیمې انتخاب کړي دي ترڅو یاد نیالګي په کې کښېنول شي.
د خوست د کرنې، اوبو لګولو او مالدارۍ ریاست مسئولین وایي، چې د ځنګلونو په بیارغونې سره به د ژوند چاپېریال ته د ورپیښو زیانونو مخه ونیول شي او له  بزګرانو يې وغوښتل، چې خړوبولو، ساتنې او پالنې ته یې ځانګړې پاملرنه وکړي.