پکتیا کې د څارویو خوراکې او د چرګانو د دانه پلورونکو له شرکتونو څخه څارنه ترسره شوه
۲۷ کب ۱۴۰۳ه.ش
۱۷ رَمَضانُ المُبارَک ۱۴۴۶ه.ق
د پکتیا ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت مسلکي کارکوونکو لخوا ددی ولایت په مرکز ګردیزکې یو شمېر د څارویو خوراکې او د چرګانو د دانه پلورونکو شرکتونه وڅارل شول.
د یادې څارنې په ترڅ کې اړوندو چارواکو ته سپارښتنې وشوې ترڅو مالدارانو ته معیاری او باکیفیته خوراکه وړاندې کړي، او د بې کیفیته خوراکې له تولید څخه ډډه وکړې.
د دغې څارنې او ارزونې څخه موخه داده، ترڅو د بې کيفيته او تاريخ تېرو حیواني خوراکې د پلور مخه ونیول شي او مالدارانو ته صحیح خدمات وړاندی کړي.
همداراز ددې څارنې ترڅنګ د لبنیات پلورونکو څخه هم څارنه ترسره شوه، او مسئولینو ته یې لازمې سپارښتنې وشوې او له دوی څخه وغوښتل، ترڅو د پوډري لبنیاتو څخه ډډه وکړي او خلکو ته طبیعي لبنیات وړاندې کړې.
