ننګرهار کې د ماسترۍ برنامو د محصلینو د ستونزو حل په موخه ناسته ترسره شوه
۲۶ کب ۱۴۰۳ه.ش
۱۶ رَمَضانُ المُبارَک ۱۴۴۶ه.ق
د ننګرهار دکرنې، اوبولګولو او مالدارۍ رییس مولوی محمد ولي محسن، د ننګرهار پوهنتون اداري مرستیال مفتي نعمت الله اعزازي، د کرنې پوهنځی رییس پوهنمل طیب الله زاهد او پوهندوي دوکتور عصمت الله درانی سره په کتنه کې د ماسترۍ برنامو د محصلینو د ستونزو د حل په موخه خبرې اترې وکړې. ددې کتنې موخه د ماسترۍ برنامو د تجاربو، ستونزو او وړاندیزونو شریکول و.
دکرنې پوهنځی اګرانومي څانګي امر پوهندوی دوکتور عصمت الله درانی ووی، چې د ننګرهار پوهنتون دبرنامو محصلینو په ننګرهار او ځینو نورو ولایتونو کې په بېلابېلو برخو کې څېړنې کړي اوسمهال د خاورو او او کیمیاوی سرو تجزیې لپاره غواړو د کرنې ریاست له لابراتوارونو استفاده وکړو، ترڅو څېړنې دقیقې او موثرې تمامې شي.
ښاغلي درانی زیاته کړه: «تراوسه په ننګرهار څېړنیز مرکز کې دکرنې پوهنځی محصلینو له لورې پر مېوو، غله جاتو، سبو، صنعتي او تېلي نباتاتو لسګونه تجربې ترسره کړي او هڅه کوي په راتلوونکي کې هم پر مختلفو نباتاتو د تجروبو لپاره محصلینو ته دندې ورکړي.»همدارنګه په څېړنیز مرکز کې د محصلینو لپاره دځمکې برابرولو غوښتنه هم وکړه.
په همدې حال کې د ننګرهار د کرنې، اوبو لګولو او مالدارۍ رییس مولوي محمد ولي محسن د کرنې په برخه کې څیړنې مهمې وبللې او په ټولو قانوني چارو کې یې د همکارۍ ډاډ ورکړ.
