فراه ولایت کې د نیالګي اېښودلو کمپاین پرانیسته
۱۹ کب ۱۴۰۳ه.ش
۹ رَمَضانُ المُبارَک ۱۴۴۶ه.ق
د فراه کرنې، اوبولګولو او مالدارۍ ریاست د "نن نیالګی؛ د راتلونکي هوساینه" تر شعار لاندې د نیالګي اېښودلو کمپاین په رسمي ډول پیل کړ.
د دې کمپاین د پرانیستې مراسم د فراه د کرنې، اوبولګولو او مالدارۍ رئیس الحاج مولوي شاه محمد حاجي سروري، د چاپېریال ساتنې ریاست استازو، رسنیو او د کرنې ریاست کارکوونکو په حضور کې ترسره شول.
سږکال د کرنې ریاست په قوریو کې ۴۹ زره او ۶۰۰ نیالګي چمتو کړي، چې د وېش لړۍ یې روانه ده.
د دې کمپاین موخه د فراه په ولایت کې د ځنګلونو بیا رغونه، د چاپېریال ساتنه، د هوا د ککړتیا مخنیوی، د اوبو د زېرمو کنټرول او د اقلیم د تودوښې تنظیم بلل شوی دی.
