د ننګرهار دکرنې ریاست: دولتزیو ښارګوټي کی ۲۳۷۸ کورونه تثبیت او سروې شوي
٨ کب ۱۴۰۳ه.ش
٢٧ شَعبان المُعَظّم ۱۴۴۶ه.ق
دننګرهار کرنې، اوبو لګولو او مالدارۍ ریاست دمعلوماتو په اساس د دولتزیو ښارګوټي، چې اته ګذرونه او ۴۱۱ بلاکونه لرې، کورونه یي سروی شوي دي.
د غیر رسمي ښاري سیمو د ثبت امر مولوي تکریم الله عزیزي وویل، چې دکرنې ریاست د تخنیکي ټیمونو له لورې په ننګرهار کې امارتي تثبیت شوو ښارګوټو کې د کورونو د ثبت لړۍ روانه ده، د دولتزیو ښارګوټی، چې ۲۳۷۸ کورونه پکي جوړ شوی ثبت شول. نوموړې وویل، چې د دولتزیو ښارګوټي چې په ۳۵۱۳ جریبه امارتي ځمکه جوړه شوې ده، د ټولو کورونو د ثبت پروسه پاي ته ورسېده.
هغه زیاته کړه اوسمهال په هغو امارتي ښارګوټو کې، چې کورونه یې سروي شوي د تعرفو د وېش لړۍ روانه ده.
د غصب مخنیوي مرکزي کمېسیون په ننګرهار کې څلور ښارګوټي امارتي تثبیت کړي ؤ، چې د ټولو ښارګوټو کورونه سروي شوي دي.
