هډې فارم کې د چرګانو یوه مجهز فارم جوړېدو چارې روانې دي
۲ کب ۱۴۰۳ه.ش
۲۱ شَعبان المُعَظّم ۱۴۴۶ه.ق
وروسته له نږدې پنځه لسیزو، د هډې فارم دویم بلاک کې د چرګانو یو مجهز فارم جوړېږي، چې چارې یې د بشپړېدو په حال کې دي. یاد فارم د انصاف کوثر په نوم د ننګرهار وادي کرنیز امارتي شرکت اړوند یو قراردادي کرنیز شرکت، په څهباندې ۱۵ جریبه ځمکه جوړ کړی دی.
مسؤلین وايي چې دا ځمکه پخوا خراب، بلندابه او کندې وې، خو د چرګانو د صنعت پراختیا، د غوښې او هګیو د تولید زیاتوالي او سیمهییزو کاروبارونو ته د ودې ورکولو په موخه، دغه فارم رغول شوی دی.
د ننګرهار وادي کرنیز امارتي شرکت مسؤلین وایي چې یاد فارم به په سیمهییز اقتصاد کې مثبت اغېز ولري او د خلکو لپاره به د کار زمینې برابرې کړي. همداراز، د فارم د مسؤلینو په وینا، د فارم د بشپړ فعالېدو لپاره، چټک کار روان دی او ډېر ژر به فارم ته چرګان او چورګوړي راوړل شي.
دا په داسې حال کې ده چې د ننګرهار وادي کرنیز امارتي شرکت په همدې هډې فارم کې حبیب حسام په نوم یو پولټري کمپلیکس هم فعال کړی، چې د ټول افغانستان په کچه د چرګانو، چوړګوړو، هګیو، دانې او نورو برخو کې خدمات وړاندې کوي.
