د ننګرهار وادي کرنیز شرکت د زیتونو فابریکې د احاطې ېوال رغنیزې چارې پیل شوې
د ننګرهار وادي کرنیز شرکت چارواکي وایي، چې د یاد شرکت اړوند د زیتونو فابریکې د احاطې دېوال رغنیزې چارې پیل شوي، چې په پاخه او اساسي ډول به ورغول شي.
د چارواکو په خبره یاد دېوال چې ۱۶۷۷ متره اوږدوالی لري د نږدې څلورنیم میلیونه افغانیو په لګښت رغول کېږي، چې په رغنیزو چارو کې یې یوشمېر کسانو ته د کار زمینه هم برابره شوې ده.
ددې پروژې د پلي کولو موخه د زیتونو فابریکې خوندیتوب او خلکو ته د کار زمینه برابرول دي.
د ننګرهار کانال شرکت د زیتونو تېلو او زیتونو پروسس فابریکه د هډې فارم اړوند پر ۲۷ نیم هکتاره ځمکه فعاله ده چې لسګونه کسان پهکې پر کار بوخت دي.
