د ننګرهار وادي کرنیز امارتي شرکت زرګونو هېوادوالو ته کرنیزه ځمکه په اجاره ورکړې 

۲۷ سلواغه ۱۴۰۳ه‍.ش
۱۶ شَعبان المُعَظّم ۱۴۴۶ه‍.ق
د ننګرهار وادي کرنیز امارتي شرکت په روان ۱۴۰۳ کال کې ۳ زره او ۸۳ هېوادوالو ته څه باندې ۳ زره او ۵۳۲ جریبه کرنیزه ځمکه د ۱ تر ۳ کلونو لپاره په اجاره ورکړې ده.
د یاد شرکت د سوداګرۍ او بازارموندنې رییس، انجنیر ندي الله نیازی، وایي چې سږ کال یې هغه ځمکې، چې رفع حاصل یې په ۱۴۰۴ کال کې ترلاسه کېږي، د کرنې د ودې او د ځايي اوسېدونکو د اقتصادي ملاتړ په موخه، کروندګرو ته په اجاره ورکړې دي.
ښاغلی نیازی زیاتوي، چې د اجارې دا پروسه د شفافیت او عدالت په پام کې نیولو سره ترسره شوې، ترڅو مستحقو کسانو ته ګټه ورسېږي.
د ننګرهار وادي کرنیز امارتي شرکت هیله لري، چې دا اقدام به د سیمې اقتصادي پرمختګ ته وده ورکړي او کروندګرو ته به د لا ښه تولید زمینه برابره کړي.