یوشمېر هلمندي بزګران د سبو د بسته بندۍ او درجه بندۍ په برخه کې وروزل شول
۲۸ لړم ۱۳۹۸
د هلمند د کرنې، اوبولګولو او مالدارۍ ریاست د مرسي کورپ بدیل معیشت پروګرام په همکارۍ ددې ولایت په مرکز لښکرګاه، نادعلي او نهرسراج ولسوالیوکې ۱۰۰ بزګران د سبو د حاصلاتو راټولولو، بسته بندۍ او درجه بندۍ په برخه کې روزل شوي دي.
ددې پروګرام په ترڅ کې بزګرو ته هغه لارې چارې وښودل شوې، چې خپل سابه په سمه توګه راټول، درجه بندي او بسته بندي کړي او بیا یې بازار ته وړاندې کړي.
د هلمند دکرنې ریاست هڅه کوي، چې په بېلابېلو برخو کې بزګران وروزي ترڅو په دې ولایت کې دودیز کرکېله په پرمختتلي او عصري کرکېله بدل او د بزګرانو عواید ډېر شي.
