خوست کې د کرنیزې پرمختیا صندوق پلاوي او ددې ولایت د کوپراټیفونو او ټولنو ترمنځ د همغږۍ غونډه دائره شوه

۳ سلواغه ۱۴۰۳ھ.ش
۲۲ رَجَب المُرَجَّب ۱۴۴۶ه‍.ق
د خوست دکرنې، اوبولګولو او مالدارۍ ریاست چارواکي وایي، چې د کرنیزې پرمختیا صندوق د استازو او ددې ولایت د ۶۹ کوپراټیفونو او ۵ ټولنو مترمنځ د همغږۍ غونډه دائره شوه.
ددې غونډې په ترڅ کې د کرنیزې پرمختیا صندوق له لارې کوپراټیفونو او ټولنو سره د مالي مرستې او همکارۍ په هکله خبرې اترې او د نظرونو تبادله وشوه.
ددې غونډې موخه کوپراټیفونو او ټولنو ته د کرنیزې پرمختیا صندوق له لارې د مالي مرستې د پروسې تشریح کول او دوی ته ددې صندوق له لارې د مرستې ترلاسه کولو بهیر بیانول ښودل شوی دی.
د خوست دکرنې ریاست چارواکي وايي، چې د کرنیزې پرمختیا صندوق د فعالیت له پیل سره به د د یادو کوپراټیفونو او ټولنو ستونزې تر یو حده حل شي.