ننګرهار کې دچرګانو ددانو تولیدي فابریکو چارواکو ته لازمې سپارښتنې وشوې
د ننګرهار د کرنې، اوبو لګولو او مالدارۍ ریاست د څارویو روغتیا امر داکتر محمد ضمیر بهسودې په مشرۍ پلاوي او د کرنې وزارت دداخلي څارنې مسؤلینو په شیخ مصري صنعتي ښارګوټي کې د چرګانو دداني تولیدوونکو فابریکو څخه څارنه ترسره کړه.
د څارو روغتیا او مالدارۍ خدمتونو امر داکتر محمد ضمیر بهسودې وویل د ننګرهار د کرنې ریاست په لارښوونه او د باکیفیته حیواني خوراکې د تولید په موخه یي د فابریکو څخه څارنه ترسره کړه او هغو فابریکو ته چې کارونه یي په اصولو برابر وو وستایل.
ښاغلي بهسودې زیاته کړه هغو فابریکه دارانو چې د کرنې وزارت کړنلارې په نظر کې نه وي نیولې لازمې سپارښتنې ورته وشوې.
په ننګرهار ولایت کې د چرګانو دداني ۱۴ کارخوني فعالیتونه لرې، چې د ورځې لسګونه ټنه باکیفیته خوراکې تولید ترڅنګ زرګونه هېوادوالو ته په مستقیم او غیر مستقیم ډول پکي د کار زمینه هم برابره شوې ده.
