ننګرهار کې نږدې ۱۵ زره بزګرانو ته د غنمو اصلاح شوي تخم او کیمیاوي سرې وویل شوې

۵ لېندۍ ۱۴۰۳ه‍.ش
۲۳ جُمَادَى الأول ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د ملګرو ملتونو د خوړو او کرنې ادارې په مالي لګښت او د افغانستان دکلیو بیا ودانولو مؤسسې په تخنیکي همکارۍ ۱۴ زره او ۸۰۰ بزګرانو ته د غنمو اصلاح شوي تخمونه او کیمیاوي سرې ووېشل شوې.
د افغانستان د کلیو بیا ودانولو مؤسسې د کرنې برخې مسؤل انجنیر فضل الحق وفا وویل، چې د ننګرهار ولایت د مرکز په ګډون د لسو ولسوالېو «چپرهار، رودات، کوټ، بټي کوټ، شینوارو، سپین غر، دوربابا، سره رود او نازیانو» کې ۱۴ زره او ۸۰۰ بزګرانو ته د غنمو اصلاح شوي تخم او کیمیاوي سرې ورکړل شوي.
ښاغلي وفا وویل، چې هر بزګر ته ۵۰ کیلو اصلاح شوي تخم، ۵۰ کیلو یوریا او ۵۰ کیلو توره سره د ډېر حاصل ترلاسه کولو او خوړو خوندیتوب په موخه ورکړل شوه.
هغه زیاته ته کړه، چې په نږدې راتلونکې کې به د ۸ ولسوالیو  ۴ زره نورو بزګرانو ته هم د غنمو اصلاح شوي تخم او کیمیاوي سرې ورکړل شي.
دغه راز یادو بزګرانو ته د غنمو کرلو، سرې استعمال، اوبولګولو، هرزه وښو کنټرول، ناروغیو مخنیوي او نورو برخو کې روزنه هم ورکولکېږي.