د کرنې وزارت اراضۍ لوی ریاست له خوا ترانسپورت او هوايي چلند وزارت ته ځمکه انتقالېږي
۳۰ لړم ۱۴۰۳ه.ش
۱۸ جُمَادَى الأول ۱۴۴۶ه.ق
د کرنې، اوبو لګولو او مالدارۍ وزارت د اراضۍ لوی ریاست له خوا ترانسپورت او هوايي چلند وزارت ته د ځمکې لېږد تړون لاسلیک شو.
د یادې ځمکې د لېږد تړون له مخې، ۲۲۲ جریبه ځمکه د ترانسپورت او هوايي چلند وزارت ته انتقال شوې ده. دغه ځمکه د ترانسپورت او هوايي چلند وزارت د وړاندیز او د عالیقدر امیرالمؤمنین (حفظه الله تعالی) حکم په اساس د هلمند ولایت نهرسراج، باباجي او ګرشک ولسوالیو کې په ۲۰۲ جریبه ځمکه او د کندز ولایت حضرت امام ولسوالۍ کې په ۲۰ جریبه ځمکه کې د ترمینلونو د جوړولو لپاره انتقال شوې ده.
د ځمکې لېږد تړون د کرنې وزارت اراضۍ لوی ریاست د ځمکو د انتقال او وېش رئیس مولوي سید محمد سعید او د ترانسپورت او هوايي چلند وزارت د مالي او اداري څانګې ارشد متخصص حزب اللّٰه حمیدي ترمنځ لاسلیک شو.
