مومندرې ولسوالۍ کې ۲۰۰ بزګرانو ته ۱.۵ میلیونه افغانۍ نغدي مرسته وشوه
۳۰ لړم ۱۴۰۳ هـ.ش
۱۸ جُمَادَى الأول ۱۴۴۶ هـ.ق
د ننګرهار کرنې، اوبو لګولو او مالدارۍ ریاست په همغږۍ د ماشومانو ساتنې دفتر لخوا د مومندرې ولسوالۍ ۲۰۰ بزګرانو ته د کرنیزو وسایلو د اخېستلو په موخه ۱.۵ میلیونه افغانۍ نغدي مرسته ورکړه.
د ننګرهار د کرنې رئیس مولوي محمد ولي محسن وویل، چې د ماشومانو ساتنې دفتر د هر بزګر لپاره ۷ زره او ۵۰۰ افغانۍ نغدي مرسته ورکړې، تر څو د کرنیزو وسایلو لکه رمبې، لور، لاسي کراچۍ، پنجې، ښاخۍ، بېلچې، درمل شیندلو پمپ، د درملو محافظتي جامې او سطل واخلي.
هغه زیاته کړه، چې د دې مرستو هدف د بزګرانو ملاتړ او د کرنیز تولیداتو ښه والی دی.
یادونه: څو ورځې وړاندې د دې بزګرانو سره د غنمو اصلاح شوي تخم او کیمیاوي سرو د اخیستلو لپاره هم ۷ زره او ۵۰۰ افغانۍ نغدي مرسته شوې وه.
د ماشومانو ساتنې دفتر د پروژې مسؤل انجینر ذبیح الله دولتزي وویل، چې د دې مرستو هدف د کورنیو پر ځان بسیاینه، د خوړو خوندیتوب او د ماشومانو ساتنه له درنو کارونو څخه دی
